A-j plat könt proaten, mu-j ‘t nich loaten!”

‘t Twentehoes, oonderdeel van de Iesselacademie gef gastlessen in ‘t oonderwies oaver ‘t gebroek van ‘Streektaal in de Zorg’. Is dat noe neudig zo’j können deanken. De modersproak ligt noa an oew hert. En a’j oalder wördt is kan d’r kaans wean op dementie. Biej dementie heurt ok vake da’j oew ‘t beste könt heugn wa’j vroger hebt leerd. Dit is ok zoo met de taal dee a’j vroger hebt sprökken. 

At dit de moderspraoke is, zol ‘t schier wean dat ok de leu dee oew goat verzoargen dat ‘n betke sprekt. Dan ku’j mekaa verstoan. Dit hef ok invoold op de kwaliteit van dizze zoarg. Ok in de wetnschop bint de leu met dit kapittel gangs. Op vriejdag 1 oktober is doarum in Oldnzel de ‘Internationale streektaalconferentie 2021’ met as rooin reijdroad “Streektaal op de werkvloer”. Doar bint verscheidn sprekkers zooas Femke Nijboer, Universiteit Twente, oaver moderspraok in e-health. En Cornelis Kapitein en Albert Bartelds oaver de lesmodule ‘Modersproak in de zoarg’. Jolien Makkinga (Meertens Instituut) en Lubert Priems (stichting Laudio) oaver Miets wetnschop: ‘n klankkast en ‘n podcast oaver thoes en sproak in ‘t verpleeghoes.  

A’j d’r biej wilt wean ku’j oe anmelden; https://nederlandsedialecten.org/2021/07/11/streektaalconferentie-2021-streektaal-op-de-werkvloer/. Kiek ok es noar: https://mijnstadmijndorp.nl/app/educatie/verhalen/lesbrief-streektaal-in-de-zorg-mbo-en-hbo?

Mariska de Wildt
Meer berichten